Kralendijk, 26 di febrüari 2022 – Water- en Energiebedrijf Bonaire N.V. (WEB) ta mirando e proyekto pa ekspanshon di infrastruktura di riol aserkando su final. Komo supervisor di e proyekto di 10 EDF, WEB ke gradisí abitante i kompanianan pa nan komprenshon pa e inkombeniensia. Seguidamente nos ta duna un up-date di e situashon.
E proyekto a kuminsá na Mei 2021 i ta enserá ekspanshon di e riol na Belnem i Hato. E meta ta pa aliviá e “vacuümstation” 6 na Tera Kòrá i konektá Belnem i Hato riba e ret di vaküm na Boneiru.
Kloaka na Belnem
Apesar di e desafionan nesesario, e trabounan na Belnem ta den último fase i por antisipá restourashon di kayanan i besindario. E proyekto ta enserá:
- Konstrukshon di un “vacuümstation” nobo na Kaya Saturnus;
- Koba i pega más òf ménos 4900m di tuberia di kloaka;
- Hak, pega i konektá 76 pos di re-kolekshon;
- Realisá (i prepará parsialmente) konekshonnan nesesario pa bibienda.
Trabounan den progreso
Na e momentunan aki ta kobando e último 250m skref i pega e último 500m di tuberia di Kloaka. Ta realisando konekshonnan pa bibienda na kaya Jupiter i Kaya Pluto. E tim di proyekto ta trahando riba e último trabounan di instalashon den e “vacuümstation”.
Entre tantu a restourá e kamindanan na Belnem. Pronto e tim di proyekto lo restourá e sobrá kamindanan di tera i asfalt. Tin grabashonnan detayá ku a keda hasí di e situashon original na e área. Lo pone tur kaya i asera bèk den nan estado original.
Hato
Aktualmente ta kobando burakunan di prueba na Hato. E trabounan di kobamentu lo inisiá den e promé siman di mart. Na Hato lo bini mas òf ménos 1150m di tuberia di kloaka ku 20 pos di re-kolekshon i 56 konekshon pa bibienda. Lo konektá e ekspanshon riba e “vacuümstation” na Kaya Amsterdam. Segun espektativa lo entregá e proyekto kompleto na fin di aprel.
Di 10 EDF
Ta trata di un proyekto tékniko eskala grandi ku ta keda ehekutá pa i dor di Bonerianonan. WEB ta kontentu ku e kolaborashon ku kontratista Truckland, Entidat Públiko Boneiru (OLB), Direktorado di desaroyo i espasio (R&O), Business Units Water, Afvalwater i Elektra, departamentu di komunikashon di WEB i kompanianan pa telefonia i tráfiko di data enbolbí ku e proyekto aki.
Sin nos partnernan di kolaborashon lo no tabata posibel pa realisá e bunita proyekto aki. Nos ta gradisí tur partner pa e kolaborashon eksitoso.
