Kralendijk, 22 desèmber 2023, – Water- en Energiebedrijf Bonaire N.V. (WEB) ta anunsiá ku tarifanan ku ta na vigor entrante 1 di yanüari 2024 a keda stipulá i publiká.
Kada aña e tarifa ku nos produktor ta kobra WEB i e tarifa ku WEB por kobra klientenan ta keda stipulá i publiká pa Outoridat Konsumidó i Merkado (ACM). Riba 8 di desèmber ACM a stipulá e tarifanan rendabel aki ku lo por kobra entrante 1 di yanüari 2023.
Pa mantené e tarifanan pagabel WEB ta pidi supsidio pa kada aña di tarifa. Seguidamente, teniendo kuenta ku e supsidionan aki, ta stipulá tarifanan pa konsumidó.
Pa loke ta trata koriente e tarifa fiho kompletu pa aña 2023 a keda supsidiá dor di Ministerio di Asuntunan Ekonómiko i Klima (EZK). Pa aña 2024 e supsidio kompleto aki ta keda limitá pa kategoria di konekshon t/k 3*50 ampèr. Esaki ta nifiká ku pa konekshonnan mas grandi lo apliká e tarifa di uso fiho di nobo (basá riba supsidio normal, pero no kompletu).
Pa loke ta trata awa di bebe tin mas presupuesto (supsidio) disponibel pa redukshon di e tarifa di uso fiho pa aña 2024 na Ministerio di Infrastruktura i Maneho di Awa (I&W). Dor di esaki e tarifa di uso fiho ta mas abou i ta permití ku por fiha e tarifa pa entrega di trùk di awa mas abou kompará ku 2023.
E kambionan relevante pa e tarifanan ta lo siguiente:
Tarifanan periodiko di koriente
E tarifa di uso fiho pa konekshonnan ku un kapasidat di konekshon t/k 3*50 ampèr ta fihá riba USD 0.00 pa luna.
E tarifa di uso variabel di koriente ta subi un tiki di 0.3516 pa kWh na 0.3575 pa kWh.
Pa motibu ku e tarifa di uso fiho pa konekshonnan chikitu a ser stipulá na USD 0.00 pa luna ta konta ku e tarifa entrante 1 yanüari 2024 pa konekshonnan pre-pago (Pagabon) ta igual na e tarifa di uso variabel, es desir USD 0.3575 pa kWh.
Tarifanan periódiko di awa di bebe
Ta redusí e tarifa di uso fiho pa konekshon (chikitu) mas komun na USD 7.94 pa luna na USD 3.71 pa luna.
E tarifa di uso variabel ta subi di USD 3.90 pa m³ na USD 4.165 pa m³. E kousa di e subida aki ta prinsipalmente pa motibu di e demanda kresiente na Boneiru.
Pa konsumidónan pa entrega via di trùk di awa e tarifa ta baha di USD 4.743 pa m³ na USD 4.600 pa m³.
Fakturashon
Lo apliká e tarifanan periódiko di elektrisidat i awa riba fakturanan for di periodo di uso ku un fecha di inisio na yanüari 2024. Pa konsumidónan a base di Pagabon i trùk di awa e tarifanan ta dirèkt visibel for di 1 di yanüari 2024.
Entrante 1 di yüli 2024 – dependiendo di desaroyonan pa loke ta trata kostonan di kombustibel – lo bolbe fiha e tarifa di uso variabel i e tarifa pa Pagabon.
Tarifa di 1 solo biaha pa konekshon di elektrisidat i awa
E tarifanan di 1 solo biaha, pa konekshonnan chikitu te ku 25 meter ta fihá na USD 1,750.19 pa elektrisidat i na USD 1,191.50 pa awa. Esaki ta un subida di 1.8% kompará ku 2023.
Kondishonnan adaptá
E kondishonnan general i reglanan a keda adaptá i modernisá i ta drenta na vigor entrante 15 di yanüari 2024.
E tarifanan kompleto pa elektrisidat i awa di bebe ku ta konta for di 1 di yanüari 2024 i e kondishonnan general ku ta konta for di 15 di yanüari 2024, ta disponibel riba www.webbonaire.com.
