Kralendijk, 23 di aprel 2024 – Riba djasabra 20 di aprel un kontratista ku tabata hasiendo trabounan di ekskavashon pa un partido eksterno pa ekibokashon a daña un kabel di alto vòltahe bou di tera.
Pa e motibu aki, Water- en Energiebedrijf Bonaire (WEB) a hañ’e obligá na hasi un interupshon kontrolá di koriente (loadshedding) pa evitá un fayo total di suministro di energia. Vários bario a sufri molestiá pa motibu ku temporalmente e suministro di energia a keda interumpí.
Empleadonan di WEB a keda traha te lat den oranan di anochi pa drecha e kabelnan dañá i restablesé e suministro di koriente kompletamente.
Pa WEB ta esensial ku kontratistanan tene nan mes estriktamente na e zonanan marká ku ta establesé den e pèrmit.
E kontratista en kuestion a desviá di e área ku e la risibí pèrmit pa traha. Nos protokòlnan di siguridat a ser violá, kousando ku WEB mester a tuma e akshonnan ariba menshoná. Esaki por tabatin konsekuensianan fatal, kual, afortunadamente, no a sosodé den e kaso aki.
Den e pèrmit pa hasi trabounan di ekskavashon ta eksigí ku mester koba un buraku di prueba, pa verifiká e lugá eksakto di e kabelnan i tuberíanan bou di tera, promé ku kuminsá ku e trabounan di ekskavashon real.
WEB ta ofresé su diskulpá pa e inkonveniente kousá i ta sigui komprometé pa prevení ripitishon di situashonnan similar.
