Kralendijk, 3 di sèptèmber 2024 – Ayera anochi tabatin un interupshon di koriente den área sùit di Boneiru ku a dura más o ménos di 9:00 di anochi te ku 2:00 di mardugá. E kousa di e interupshon tabata un oumento haltu inesperá den demanda di energia, debí na e temperaturanan ekstremo den kombinashon ku trabou plania pa amplia e kapasidat di transmishon na un kabel mayor. Mester remarká ku na mesun momentu, preparashon pa trabou di reparashon na un kabel mayor ku un kontratista a kibra resientemente tabata tumando lugá.
E oumento den demanda di energia a resultá di ta signifikantemente mas haltu ku WEB por a antisipá den e kondishonnan di wer apnormal di ayera nochi, lokual a pone e ret bou di hopi preshon. Konsekuentemente, esaki a kondusí na sobrekarga riba sierto partinan di e ret.
Aktualmente, e téknikonan di WEB ta trahando intensivamente riba e ahustenan nesesario pa re-konfigura e ret di manera ku esaki por akapará e demanda.
Ku e pronóstiko pa temperaturanan haltu den e próksimo dianan, nos ta rekomendá pa bo ta konsiente di bo konsumo di energia, spesialmente durante oranan di anochi.
Segun planifikashon, e kabel afektá pa e kontratista lo keda drechá i poné den servisio pa djárason 4 di sèptèmber. Ahustenan a keda hasí den ret di transmishon pa prevení ripitishon di un interupshon similar. Te na e momentu ku e kabel wòrdu drechá, e situashon ta keda delikado pero bou di kontrol den área sùit di Boneiru.
WEB i ta gradisí un i tur pa nan komprenshon i koperashon.
