Kralendijk, 27 di mart 2025 – Boneiru ta kresiendo rápidamente, i komo resultado, e demanda pa koriente ta oumentando. Mas kas i negoshi ta rekerí un suministro di koriente stabil i konfiabel. Water – en Energiebedrijf Bonaire (WEB) ta tuma su responsabilidat i ta sigui invertí den futuro. Ta p’esei un ekspanshon di e kapasidat di distribushon , na e sitio yamá WEB Nobo, lo wòrdu poné den funshon entre di 31 di mart pa 4 di aprel.
Kiko esaki ta nifiká pa Boneiru?
WEB Nobo ta sòru pa tin sufisiente kapasidat di distribushon di koriente riba e isla. E proyekto aki, ku a tuma kasi dos aña pa prepará i kompletá, awor ta kla pa bai den operashon i garantisá suministro di koriente den futuro. Pa WEB ta importante pa informá su klientenan tokante trabounan di tal índole.
No ta antisipá interupshon di koriente
Despues di un análisis di riesgo kuidadoso, WEB no ta antisipá ningun interupshon di koriente.
Pa pone WEB Nobo den funshon mester hasi algun adaptashon tékniko na e sitio WEB Nobo. Ta hasi tur esfuerso pa esaki no kousa ningun molèster pa klientenan.
Si akaso surgi un situashon inesperá, WEB ta kla pa aktua rápidamente i mantené kualkier posibel interupshon na un durashon mínimo.
