Kralendijk – 25 di novèmber 2022- E isla di Boneiru a eksperensia dos blackout riba 24 di novèmber , 2022. E blackout a surgi debí na problemanan ku e ekipo di sistema di transmishon den e sentral na Karpata.
Pa por hasi e investigashonnan nesesario, a kontratá un ekipo tékniko pa hasi investigashon ekstenso pa yega na e kousa di e insidente. E ekipo a keda formá pa ehekutivonan di Water – en EnergieBedrijf Bonaire (WEB),Contour Global Bonaire (CGB), su personal tékniko, huntu ku koleganan lokal i internashonal.
Resultadonan di e investigashon lo ser kompartí ku públiko en general na su debido tempu.
Kiko a pasa:
15:03 p.m WEB Bonaire a konfirmá fayo di e suministro di elektrisidat i a konfirmá un blackout.
4:30 p.m WEB Bonaire a kuminsá gradualmente pa restourá e konekshonnan di koriente na vários área di Bonaire. E restourashon di un sistema despues di un blackout ta rekerí un sinkronisashon hopi kuidadoso di e liñanan di transmishon ku ya a keda re konektá, esaki por tuma vários ora.
Sin embargo debí na un problema tékniko inesperá ku a tuma lugá 7:00 p.m, a produsí un di dos blackout i mester a hasi un reinisio di e sistema pa un di dos biaha.
Pa 3:00 a.m CGB a eksperensia un di tres insidente ,un fayo den e sistema di generashon di energia ku a resultá den interupshon na algun área na Boneiru. desde awe djabièrnè 25 di Novèmber , e produkshon di energia na CGB lo sigui kritiko.
Kiko nos ta hasiendo
Den oranan di mainta ya a yega vários kolega internashonal i durante henter dia lo hiba investigashonnan . Tantu di e team nan lokal komo di e team nan internashonal ku a traha duru pa por restourá e energia riba e isla di Bonaire. nan lo sigui investigá i vigilá e stabilidat di e ret den e próksimo dianan.
Nos ta konsiente di e molèster ku e situashon aki a okashoná. E interupshon aki a afektá fanátikonan di futbòl ku a keda desepshoná ku nan no por a disfrutá di e partidonan di futbòl òf e festividatnan.
WEB i CGB ta pidi nan diskulpa pa e inkumbiniensia ku esaki por a trese kuné.
