Kralendijk, 3 di sèptèmber 2024 – Relashoná ku e interupshon den suministro di koriente di tantu djaluna 2 di sèptèmber komo djamars 3 di sèptèmber, WEB kier a duna un follow-up di e situashon.
Antisipando riba e demanda haltu pa e temporada binidero, WEB a opta pa hasi e trabou di reparashon urgente na e kabel mayó ku a wòrdu afektá durante trabounan di kobamentu di un kontratista.
WEB su téknikonan a traha inkansabelmente durante dia pa drecha e kabel afektá. Pa masoménos 6or di atardi e kabel a wòrdu tuma den servisio i a pone e ret di transmishon di koriente den su estado original. Esaki ta minimalisá signifikantemente e riesgo di un interupshon a konsekuensia di sobrekarga riba sierto partinan di e ret.
WEB ta gradisí komunidat pa e komprenshon i ta pidi su diskulpa pa kualkier inkombeniensia ku esaki por a okashoná.
