Traha na WEB
Awa i koriente ta provishonnan indispensabel. Pa e tim di WEB esaki ta un responsabilidat grandi. Tur dia nos ta hasi nos esfuerso pa e mihó resultado pa abitantenan i kompanianan di Boneiru i pa e tantísimo turistanan ku ta bishita nos isla.
Traha pa WEB ta traha den un empresa lider ku un tim sólido. WEB ta apresiá partisipashon aktivo.Nos lo stimulá bo semper pa solushoná problemanan. Tin hopi oportunidat pa desaroyá bo mes pa medio di training, edukashon i formashon interno.
Di e manera aki bo lo por kontribuí na un organisashon di profeshonalnan. Nos ta aportá nos energia, eksperensia i konosementu pa huntu logra metanan ambisioso.
Hidden
Vakaturanan
E tim di WEB ta traha pa un meta komun: suministro di awa i elektrisidat konfiabel, duradero i pagabel ku ta kumpli ku kriterionan di e kliente.
Bo ke kontribuí na esaki? E ora ei nos ta invitá bo pa solisitá pa un di e vakaturanan aktual aki bou. Ta publiká nos vakaturanan tambe den diferente korant i riba e wèpsait di Ban Boneiru Bèk.
Mas informashon tokante e proseso pa bo solisitut bo ta lesa riba e página Prosedura di solisitut.
Prosedura di solisitut
E kaminda pa un trabou desafiante na WEB ta kuminsá ku bo interes pa reforsá nos tim. Tin e posibilidat pa haña un funshon interesante den nos bista aktual di vakatura.
Bo ta entusiasmá ku e profil di funshon i bo ta kumpli ku e eksigensianan? Manda nos bo karta di motivashonhuntu ku bo curriculum WEB su preferensia ta pa risibí bo solisitut via meilna info@webbonaire.com, n.a.d. departamento di Rekurso Humano, ku menshon di ‘solisitut’.
Por manda bo solisituts via pòst na:
Water- en Energiebedrijf Bonaire N.V.
N.a.d. departamento di Rekurso Humano
Postbus 381
Kralendijk, Bonaire CN
Despues di risibí bo solisitut nos ta manda bo un konfirmashon di a risibí esaki. Departamento di Rekurso Humano di WEB ta selektá e kandidatonan ku ta bin na remarke pa un entrevista di trabou pa sera konosí.
Despues por sigui un segundo kòmbersashon di solisitut, un entrevista tokante kondishon di trabou i kùrmentu médiko
Stazje i finalisá estudio
Bo ta ambisioso? Bo ke siña mas i desaroyá bo mes? Bo ta buskando un reto? E ora ei na WEB bo ta na e adrès korekto.
Un stazje (pa finalisá estudio) na WEB, ta duna bo e oportunidat pa kontribuí na un kompania esensial di Boneiru: WEB ta responsabel pa entrega di elektrisidat i awa di bebe i purifikashon di awa di kloaka. Ki departamentu ku bo bai traha – Business Unit Electricity, Business Unit Water, Business Unit Waste Water, Customer Service, Service Unit –tin trabounan i proyektonan plasentero di kual bo por siña for di nan.
Guia i kompensashon
Bo no tin nodi di preokupá tokante di bon guia. Instruktornan sertifiká ta guia stazjenan tékniko na WEB. Tambe Raad Onderwijs Arbeidsmarkt Caribisch Nederland (ROA) (Konseho Edukashon Merkado Laboral Karibe Hulandes) a indiká WEB komo un empresa di entrenamentu rekonosí. Esei ta nifiká ku pa studiantenan di Middelbaar Beroepsonderwijs (MBO) i Hoger Beroepsonderwijs (HBO), nos por sòru pa guia di formashon profeshonal den práktika.
Dependé di bo nivel di estudio, bo ta risibí un kompensashon fiho di stazje di WEB. Bo instituto edukashonal ta regla e kontrato di stazje.
Interes? Reakshoná riba un puesto di stazje aktual aki bou. Manda bo karta di motivashon i curriculum vitae pa info@webbonaire.com, n.a.d. departamento di Rekurso Humano, ku menshon di ‘stazje i kaba studia’.
Hidden
Hidden
Bista aktual di puesto di stazje
Na e momento aki nos no tin puesto di stazje.
Trabou den fakansi
Traha den fakansi? Esei ta un manera útil, edukativo i plasentero pa eksplorá bida profeshonal. Bo ta haña eksperensia i ta gana algu tambe.
Kada aña WEB ta ofresé alumno- i studiantenan posibilidat pa traha den fakansi. Asina ku bo tin 16 aña, bo por kuminsá traha . Esaki ta posibel na diferente departamento di WEB. Por ehèmpel den depósito, laboratorio, òf garashi.
Ki tipo di trabou i kuantu WEB ta paga, ta dependé di bo nivel di estudio.
Bo ke haña eksperensia di trabou ku trabou di fakansi na WEB? Manda un petishon na info@webbonaire.com n.a.d. departamento di Rekurso Humano ku menshon di ‘trabou di fakansi’. Menshoná den bo petishon kua estudio bo ta sigui, disponibilidat i ki tipo di trabou lo bo tin gana di hasi.
