Responsabilidat sosial empresarial

Nos ta sostené di kurason!

WEB ta pará mei mei den sosiedat. Ta nos mishon pa duna un kontribushon na un bon salubridat públiko, kapasidat general i un nivel di bida haltu na Boneiru.

Esei nos ta hasi pa medio di suministro di awa di bebe i elektrisidat konfiabel, duradero i pagabel i e purifikashon di awa di kloaka. Pero nos ta hasi mas: huntu nos ta hiba Boneiru mas leu.

Na WEB nos ta haña importante pa duna nos aporte na un desaroyo positivo di hubentut. Tambe nos ta duna atenshon na bienestar di grandinan na nos isla. Nos ta sostené edukashon, informashon i konsientisashon ribe e tereno di awa, energia i durabilidat. Mas ku 50 aña kaba WEB tin un maneho di spònser sólido.

Hidden

Durabilidat

Pa WEB durabilidat ta mas ku e práktika empresarial. E suministro di awa i elektrsisidat na Boneiru mester duna un aporte na e desaroyo duradero di e isla. E populashon ta krese, turismo ta oumentando, Boneiro ta un merkado kresiente. Den e añanan binidero WEB lo invertí hopi. Solamente asina e konfiabilidat, pagabilidat i kalidat di e suminstro di energia i awa por ser hibá na un nivel ku ta kuadra ku e Boneiru ku ta desaroyando su mes hopi lihé.

E porshon di energia renobabel (koriente bèrdè) di WEB ta aproksimadamente 38 procent riba base anual. E energia ta ser produsí pa turbinanan di bientu di ContourGlobal Bonaire na Morotin i e Piloto Solar na Barcadera. E produkshon di awa di bebe na Hato ta tuma lugá ku e téknikanan moderno di osmósis inverso, ku ta spar energia i prevení kontaminsahon di nos awa di laman. Tambe WEB ta responsabel pa transporte i purifikashon di awa di kloaka na Boneiru i resiklahe di e awa di kloaka purifiká komo awa di irigashon.

Un sistema di bida duradero pa tur habitante di Boneiru mester ta aksesibel, en i brasá komo norma sosial. P’esei gustosamente WEB ta promové alternativanan aksesibel, pagabel i atraktivo duradero.

Un manera di biba duradero mester ta aksesibel pa tur habitante di Boneiru, mester ser apoyá aktivamente i brasá komo norma sosial. P’esei gustosamente WEB ta promové alternativanan aksesibel, pagabel i atraktivo duradero.

Petishon pa spònser

Bo ke pa WEB spònser bo evento of meta sosial? E ora ei entregá nos un petishon! Esaki bo ta hasi por eskrito, via pòst pa Kaya Gresia #6 òf via meil na info@webbonaire.com

Inkluí e siguiente informashon den bo petishon pa haña spònser:

Nòmber & adrès di e organisashon
Nòmber & number di telefòn i e-mail di e persona di kontakto
Nòmber di e evento òf meta
Deskripshon di e evento òf meta
Eventual otro spònser di e evento òf meta
Motivashon
Kontra prestashon
Bista finansiero

Nos ta informá bo denter di dos siman despues di risibí bo petishon.

Hidden

Reglanan di wega

WEB ta duna preferensia na petishon pa spònser ku ta konserní hóben, grandinan, patrimonio kultural, deporte, edukashon i desaroyo.
Mester entregá WEB un petishon pa spònser minimalmente 3 siman promé ku fecha di e evento.
Por entregá un petishon di parti di un organisashon, skol, asosiashon, fundashon, tim òf ofisina di evento. Petishon individual no ta ser honrá.
WEB no ta spònser evento, metanan òf organisashon ku ta diskriminá a base di konvikshon polítiko, sekso i/òf konvikshon religioso. Tampoko nos no ta honra petishon ku tema di droga, alkohòl i/òf sèks. Nos no ta aseptá petishon pa evento, metanan òf organisashon religioso i/òf polítiko.

Asosiashon di deporte Vespo

For di sèptèmber 2015 WEB ta sponser prinsipal di Asosiashon di deporte Vespo na Rincon. WEB ta sostené Vespo riba tereno finansiero pa sigui desaroyá su mes i reforsá e espíritu deportivo. WEB i Vespo kontinuamente ta wak kon huntu nan por duna balor agregá na e aktividatnan di Vespo. Tur aña nos ta analisá e resultadonan riba i pafó di fèlt.

Patrimonio kultural

Bo tabata sa ku WEB a adoptá e mulina di Dos Pos? Dos Pos for di 1889 ta suministrá abitantenan di Rincon i doñonan di kunuku den e área di awa. Na 1940 a pone un pos. Aña 2014 na WEB su 50 aña di eksistensia a restorá e molina di awa, baki, i kranchinan. Dor di mantenshon di e patrimonio kultural históriko aki WEB ke duna un aporte na identidat i konekshon den e komunidat Boneriano.

Wega di Spar di WEB

Uzo konsiente di awa i elektrisidat ta di sumo importansia pa WEB.. Nan no tei riba nan mes. .

Siña spar hungando wega di spar
Muchanan di awe ta e klientenan di mañan. Hungando e wega di spar muchanan ta bira konsiente i siña baloráawa di bebe i elektrisidat

Di tèst dor di e muchanan
E Wega di Spar di WEB ta un wega di mesa klásiko pa grupo 3 te ku 8 di skol básiko. Tur parti di e wega a ser trahá na midí, apto pa mucha i gran parti produsí na Boneiru.

Despues di sekshonnan di interkambio di ideanan entre WEB Communications i Deviate Design, un prototipo a ser diseñá. A tèst esaki ku grupo 3 i 4 di Kolegio Kristu Bon Wardador i grupo 7 i 8 di Bassisschool Aquamarin. Den e vershon definitivo a inkluí e komentarionan di e muchanan.

Lokalmente produsí
WEB a konsedí mayoria parti di e wega posibel na produktornan lokal. Por ehèmpel, Carpinteria Statia ku a produsí e partinan di power blocks, awa blocks, kasnan, kahanan i bòrchinan pa e wega.

Grabashon di e diferente elementonan pa e wega a ser hasi dor di SML Concepts na Nawati. Tambe nan a desaroyá e flip-coins i Webbies i a proporshoná e instalashon final di e bòrchinan pa e wega.

E imprentanan téknikamente a ser imprimí na Hulanda. Cavalier Logistics a sòru pa e transporte lihé pa Boneiru.

Lansamentu
Riba 23 di febrüari 2018 timnan di promoshon di WEB a hiba 15 wega na e 8 skolnan básiko na Boneiru. E dosentenan, ku komo ‘WEB Meester’ ta e lidernan di e wega, a ser instruí adelantá. E timnan di promoshon a pone e wega kla i e kamarografonana filma e promé biaha ku e muchanan a hunga e wega.

E entusiasmo, e alegria i e kompetensia kontagioso entre ekiponan tabata maravioso pa mira. WEB gustosamente ta hasi su esfuerso pa un desaroyo mayor di konsientisashon riba awa di bebe i elektrisidat den e generashon nobo.

Dia Mundial di Awa di WEB

Tur aña dia 22 di mart ta Dia Mundial di Awa. Na henter mundu hendenan ta reflekshoná riba e importansia di awa. Awa dushi limpi i seif, pa hende, bestia i mata. Tambe pa tera, asina esei no ta bira desierto.

Si nos yuda naturalesa, naturalesa ta yuda nos
Na Boneiru nos ta traha nos mes awa di bebe. Pero nos ta sòru tambe pa awa dushi natural. Nos ta planta palu i mata pa nan wanta evaporashon di awa.

Nos ta traha dam, asina áwaseru no ta kore bai. Nos ta drecha fuente i pos pa awa dushi. Nos ta usa awa di kloaka purifiká pa irigashon. Asina nos ta haña mas bèrdè mientras nos ta spar awa di bebe.

Tur aña WEB Bonaire ta organisá un kompetensia espesialmente pa mucha en konekshon ku Dia mundial di Awa.