Energia duradero

Energia duradero ta wòrdu produsí for di fuentenan natural, renobabel sin generá produkto residual. Energia hidroeléktriko, bientu i solo ta e fuentenan di mas konosí ku aworaki den gran parti di mundu ta wòrdu usá. Tambe biokombustibel ta oumentando. Esei ta kombustibel prosedente di material vegetal, entre otro alga.

Boneiru tin plenitut di bientu i solo. E isla ta rondoná di un fuente di alga: laman. WEB ke integrá e fuentenan di energia importante aki den un ‘meskla di enegia’ duradero: energia di bientu, energia solar, biokombustibel i kombustibel fósil asina leu ku ta nesesario. Asina nos ta traha na un suministro di energia mas duradero posibel, pero tambe konfiabel i pagabel.

Hidden

Energia di bientu

Bientu di Pasat ta hasi Boneiru ideal pa produkshon di elektrisidat di energia di bientu. WEB ta aspirá un uso mas haltu posibel di e koriente bèrdè aki. Si nos mester tene kuenta semper ku energia di bientu ta dependé di naturalesa: si bientu ta supla ménos por produsí ménos elektrisidat. Pa e motibu ei e sistema di produkshon di elektrisidat na Boneiru tin tantu djènereiter di disel (7) komo turbina di bientu (13).

E parke di energia di bientu na Morotin, pariba di Rincon, tin 12 turbina di bientu di kada unu 900 kW. Na Sorobon, pegá ku Lac, tin un turbina di bientu di 330 kW. Aworaki anualmente energia di bientu ta suministrá un 22 porshento di e nesesidat di energia na Boneiru. E aspirashon ta pa oumentá e proporshon di energia duradero pa 60 procent den 2025. Pa esei e produsentenan di elektrisidat ContourGlobal i WEB lo realisá un ekspanshon di e parke di mulina di bientu i un parke solar sentral na Karpata.

Energia solar

For di mart 2015 WEB tin un instalashon di prueba na Barcadera ku ta konsistí di 792 pènel solar ku ta produsí energia pa 60 kas. Ku e Piloto Solar Barcadera WEB ta investigá rendimentu i posibilidatnan pa futuro di energia solar.

Meskos ku energia di bientu, energia solar ta dependé di naturalesa: anochi no tin solo i durante produkshon di energia den dia por tin nubia. Esaki ta kousa puntonan haltu i abou ku por kousa problema den e ret di elektrisidat. Pesei ku e Piloto Solar ta investigá tambe e influensia ku distribushon di energia solar tin riba e ret di elektrisidat.

Esaki ta di importansia tambe pa kontrolá e konsekuensianan di produkshon individual di energia ku pènel solar: kompanianan i partikularnan ku ta konektá nan mes instalashon pa energia solar ku e ret di elektrisidat. Ora tin poko produkshon di energia nan por kai bèk riba e suministro di elektrisidat di WEB. Si nan ta produsí mas ku nan ta usa, ta pone e elektrisidat ku sobra riba e ret. Ku esaki ta resultá fluktuashon i instabilidat ku WEB mester dirigí den bon direkshon.

Sosionan

E kompania merikano Contour Global ta manehá e produkshon di sentral di elektrisidat na Karpata i e parke di mulina di bientu na Morotin. Na Barcadera WEB ta eksplotá un instalashon eksperimental pa energia solar. Tambe WEB ta akomodá e AlgaePARC piloto [lenk pa e di 2 proyekto aki bou] di Wageningen University & Research i sosionan Entidat Públiko Boneiru /Openbaar Lichaam Bonaire (OLB) i Fundashon Parkenan Nashonal Boneiru/ Stichting Nationale Parken (STINAPA) Bonaire. WEB ta traha den un kolaborashon estrecho ku e operadó di ret hulandes Stedin, ku ta pone disponibel su konosementu i ekspertisia pa optimalisashon di e ret di elektrisidat na Boneiru.

Proyektonan

WEB ta proveé diferente esfuerso pa desplegá energia renobabel di un manera efisiente konfiabel pa un futuro duradero. E desaroyonan ta bai lihé, e posibilidatnan tékniko ta oumentá. WEB ta duna gran balor na investigá kiko ta realístiko, kiko ta rende i kiko ta ofresé kontinuidat na un isla relativamente chikí manera Boneiru.

Hidden

Piloto Solar Barcadera

Periodo: 2015 – presente

Na final di mart 2015 e Piloto Solar Barcadera na Boneiru a habri. E ta konserní un instalashon eksperimental pa 792 pènel solar riba e tereno di Barcadera ku ta suministrá koriente na 60 kas. Ku e instalashon aki WEB ta investigá e rendimentu i e konsekuenshanan di suministro di energia ku pènel solar pa e ret di elektrisidat. Tambe ta investigá e faktibilidat pa un parke sentral solar mas grandi.

Monitoreo i análisis
Un instalashon di mónitòr di kalidat haltu ta registrá faktornan den ambiente manera radiashon, temperatura i velosidat di bientu. Ta sigui minusiosamente e influensia ku distribushon di energia di solo tin riba e ret di elektrisidat. Análisis semanal di e midimentunan ta duna WEB bista den adaptashonnan nesesario, rendimentu i posibilidatnan pa futuro di generashon di energia ku pènel di solo.

E resultadonan di e Piloto Solar ta positivo. E produsente di elekrisidat ContourGlobal ta bai invertí den e parke solar sentral na Karpata.

Piloto AlgaePARC

Periode: 2020 – presente

Despues di investigashon preliminar di dos aña na mart 2020 e piloto AlgaePARC a start. AlgaePARC Boneiru ta un initiativa di prof. dr. ir. René Wijffels di Wageningen University & Research (WUR), den kolaborashon ku Entidat Públiko Boneiru/ Openbaar Lichaam Bonaire (OLB) i Fundashon Parkenan Nashonal Boneiru/Stichting Nationale Parken (STINAPA) Bonaire. WEB ta sosio di kolaborashon pa e establesimentu i akomodashon di e proyekto piloto i e siguiente trayekto.

Laboratorio Barcadera
Riba e tereno di WEB na Barcadera un laboratorio a wòrdu establesé. Pafó a pone un tanki ku un reaktor den kua tin alga te krese. WEB ta partisipá pasombra for di e alganan entre otro por produsí biokombustibel. Den futuro WEB lo por usa e biokombustibel aki pa produkshon duradero di awa i elektrisdat.

Gustosamente WEB ta partisipá den inovashonnan téknológiko den e sektor di energia. Ademas e proyekto piloto AlgaePARC ta interesante pa empleo. E uso di e instalashonnan ta rekerí un nivel di edukashon kada bes mas haltu. Esei por ta atraktivo pa studiantenan ku despues di nan estudio ke regresá bèk Boneiru.

Wageningen University & Research
Den e laboratio di universidat di WUR 2 aña a hasi investigashon pa determiná kua alga ta adekuá. Ku mònsternan di alganan ku ta paresé na Boneiru, a investigá kua alganan ta krese den ambiente ku hopi lus i temperatura haltu. E resultadonan tabata asina positivo ku e investigashon a move pa Boneiru pa sigui tèst bou di sirkumstansianan natural.

Pa e fase di investigashon aki mester di aproksimadamente un aña. Despues di esaki e proyekto por wòrdu ampliá pa kria i kosechá alga na un eskala mas grandi. E ora ei tambe por determiná pa kua produktonan e alganan por sirbi mihó komo materia prima, por ehèmpel kuminda (di bestia), kosmetika òf kombustibel. Ora yega e fase ei e partisipashon di WUR ta terminá. Ta na e merkado e ora ei pa tuma enkargo di e eksplotashon.

Mikroalga ideal
Tin dos tipo di alga: makroalga multiselular, tambe konosí komo lima; un mikroalga uniselurar òf fitoplanktòn. Mikroalganan ta un alternativa hopi prometedor pa matanan kultivá tradishonalmente. Nan ta organismonan ‘fotosintétiko’. Esei kiermen ku nan ta krese dor di awa, algun fertilisante, CO2 i lus. Nan ta un fuente di proteina i fètnan. Na Boneiro dos tipo ideal a wòrdu enkontrá pa kria, Picochlorum sp. (BPE23) i Leptolyngbya sp. (BPE12).

Te na e momento aki midimentunan di e komposishon di biomasa ta mustra riba un bon aplikashon pa kuminda. Dor di e grado haltu di proteina e alganan lo por remplasá zeta di palma, zeta di piská i zeta di kolsa. E aplikashon pa kombustibel lo sigui wòrdu investigá.