Pagabon
Bo ke tin un mihó bista i kòntròl riba bo uso di koriente? E ora ei nos sistema di prepago ta e solushon. E sistema di Pagabon di WEB ta fásil pa usa i ta ofresé masha hopi bentaha:
- bo por kontrolá bo uso di koriente muchu mas mihó;
- bo mes ta disidí kuantu elektrisidat bo ke usa i kumpra;
- bo ta atendé muchu mas konsiente ku elektrisidat;
- bo mes ta bai paga tinu kon pa spar koriente tantu parti paden komo rondó di kas, wak tambe nos foyeto Spar (pdf);
- bo no ta risibí faktura di koriente mas; pues niun sorpresa fin di luna.
Den e tarifa prepago di Pagabon e tarifa fiho i variabel di koriente ta kombiná.
E kapasidat pa e sistema di Pagabon ta 3 x 35 ampèr.
Lesa mas tokante uso i kondishonnan den nos Foyeto di Pagabon folder (pdf).
Hidden
Hidden
Aktualisa bo Pagabon!
Entrante 4 di Novèmber bo por aktualisá bo Pagabon den tres paso fásil.
Importante:
Aktivá tur krédito ku bo a kumpra promé ku 4 di novèmber mesora.
Sigui e siguiente instrukshonnan pa aktualisá bo aparato di Pagabon: Video di Instrukshon
- Yena e promé token (A) di 20 sifra den bo aparato di Pagabon.
- Yena e segundo token (B) di 20 sifra. E aparato lo mustra un notifikashon , ku ta bisa ku bo por sigui.
- Yena e terser token (C) di 20 sifra. E token aki lo pone e krédito. Ku e kombinashon di sifra aki bo ta depositá e krédito di Pagabon ku bo a kumpra den e aparato. (kantidat di kilowatt)
Ora bo kaba, bo Pagabon ta aktualisá i kla pa uso!
Nos ta kla pa yuda bo! Pa ayudo, nos ta rekomendá pa manda un e-mail na info@webbonaire.com. Bo por yama nos servisio pa kliente di Pagabon tambe na +599 701 3809 durante orario di ofisina, di 7:30 AM pa 16:30 PM
Konekshon
Bo por hasi un petishon pa Pagabon na momentu ku bo tin un konekshon definitivo di elektrisidat. Pagabon no tin e posibilidat pa un konekshon temporal. Pa hasi un petishon pa Pagabon bo tin ku entregá e siguiente dokumentonan:
- un akta notarial òf ‘inzage’ por eskrito di Kadaster, no mas bieu ku 1 aña;
- un pintura kadastral (pintura di situashon);
- den kaso di un kompania: un inskripshon di Kámara di Komèrsio (KvK), ku stèmpel i firma i no mas bieu ku 1 aña;
- un prueba di legitimashon bálido ku un potrèt bon visibel;
- un karchi di kùr * yená pa e konekshon temporal di elektrisidat;
*Kùrmentu, yenamentu i firmamentu di e karchi di kùr, mester sosodé dor di un instaladó registrá. E karchi di kùr bo ta risibí for di e instaladó.
Paga tinu!
- Bo no ta doño di e parsela? E ora ei bo tin ku entregá un apoderashon firmá no mas ku 6 luna bieu huntu ku un kopia di legitimashon bálido di e doño.
- Den algun kaso mester entregá dokumento manera un Akta di Fayesimentu, Buki di Famia òf Ponementu bou di Kuratela!
- Bo ta hür kas di Fundashon Cas Bonairiano (FCB)? Sòru e ora ei pa entregá un karta ku stèmpel di FCB.
Download e Formulario di petishon Konekshon (pdf) aki.
Asina ku e petishon ta kompleto ku tur dokumento rekerí, nos ta traha un sita ku bo pa evaluá e situashon na e sitio. Si mester hasi trabou sivil (kobamentu) pa un konekshon, e prosedura por tuma mas tempu.
Asina ku bo hasi pago pa e gastunan di konekshon, WEB ta bin instalá e meter di Pagabon. Despues di instalashon, e departamentu di Servisio pa Kliente ta aktivá e sistema. Bo ta risibí e ora ei tambe e karchi di instrukshon di Pagabon. Riba dje bo por nota bo number di meter. Riba e bòn di koriente (token) ku bo a kumpra, bo por lesa bo number di meter i number di kliente.
Puntonan di benta
Bo ta kumpra krédito di for USD 10,00 na:
Ofisina prinsipal di WEB, Kaya Gresia #6 na Playa
Orario: riba dia di trabou 07:45 – 11:45 i 13:00 – 15:00. Den e promé i último siman di luna, mèrdia tambe.
Ofisina di WEB, Kaya Rincon 73 na Rincon
Orario: tur promé i último siman di luna riba dia di trabou 08:45 – 11:45 i 13:00 – 15:00.
Pòmp di gasolin Gas Ekspress N.V., Kaya Neerlandia 32
Orario: djaluna t/k djasabra 07:00 – 22:00 i djadumingu 08:00 – 20:00.
Van den Tweel Supermarket, Kaya Industria 39
Orario: djaluna t/k djadumingu 09:00 – 20:00.
Paga tinu!: Semper trese bo karchi di instrukshon ku bo number di meter. E krédito ku bo ta kumpra (den forma di un token) ta haña un kódigo úniko. Esei por ser uzá solamente riba e number di meter korespondiente.
