Hidden

Aki bo ta haña informashon tokante konekshonnan temporal i definitivo pa awa i elektrisidat. Bo ke hasi konekshon di un instalashon propio pa koriente bèrdè na e ret di WEB? Aki bo ta lesa e reglanan. Bo ta biba den un área di kunuku? WEB gustosamente ta konsehá bo!

Bo no ta doño di e parsela kubo ta hasi petishon pa konekshon? Tene kuenta ku lo siguiente:

• Sòru pa entregá un apoderashon firmá no mas bieu ku 6 luna i un kopia di prueba di legitimashon bálido di e doño;
• Den algun kaso mester entregá dokumentonan manera un akto di fayesementu, Buki di famia òf dokumentashon di kuratela!

Download aki e Formulario  petishon di konekshon (pdf)

Kambionan ta konserní establesimentu, mudansa, kambio di adrès i nòmber. Aki bo ta lesa kon pa regla e asuntunan aki na WEB.

Ta konserní un parsela ku bo no ta doño dje? Tene kuenta ku lo siguiente:

• Sòru pa entregá un apoderashon firmá no mas bieu ku 6 luna i un kopia di un prueba di legitimashon bálido di e doño;
• Den algun kaso mester entregá dokumentonan manera un akto di fayesementu, Buki di famia òf dokumentashon di kuratela!

Bo kier konektá bo mes instalashon di pènel solar òf energia di bientu riba e ret di WEB? Esei ta posibel. Un instalashon asina yamá ‘instalashon di DG’. Ta obligatorio pa registrá i kùr bo instalashon na WEB. Esaki ta konta tambe pa ekspanshon di instalashonnan di DG.

Dikon? Pa bo propio seguridat,  esun di nos i tambe pa kontinuidat i kalidat di suministro di koriente.
Energia solar i energia di bientu no ta sin riesgo. Ta importante pa WEB tin konosementu di e sitio i grandura di bo instalashon di DG.

Nunka konektá un instalashon di koriente bèrdè ku a keda desaprobá riba e ret di elektrisidat. Si bo hasi esaki, tur konsekuensia negativo ta pa bo propio responsabilidat-. Si WEB enkontrá un instalashon desaprobá, lo deskontinuá entrega di koriente.

Riba e siguiente páginanan bo ta lesa mas tokante regla i proseduranan pa un instalashon di DG.

Paga tinu!:

• Bo no por konektá un instalashon di koriente bèrdè na e ret di elektrisidat di WEB ku Pagabon. Pa esei bo mester kambia bo meter di Pagabon pa un meter postpago.
• Bo kier bai off-grid ku bo instalashon di koriente bèrdè? Pues no ta konektá mas riba e ret di elektrisidat di WEB? Esaki ta posibel, pero tin gastu mará na dje. Semper konsultá deskonekshon di e ret ku WEB promé.
• Si bo instalashon di DG tin un kapasidat di mas ku 14 kVA, bo ta obligá di sigui paga WEB e tarifa di uso fiho pa 5 aña largu  despues di deskonekshon.

For di e instalashonnan di purifikashon di awa di kloaka na Kaminda Lagun un tuberia di liña di awa di irigashon ta kore bai sentro, hotèlnan i komplehonan di apartamento na parti di kosta wèst ku ta konektá riba e liña di awa di irigashon.

WEB ta suminstrá awa di kloaka purifiká komo awa di irigashon na hotèlnan i komplehonan di apartamentu ku e instalashonnan aprobá pa esaki. Entretantu na e parti wèst tin 41 meter di awa di irigashon instalá.

Un konekshon riba e ret di WEB por lo general no ta posibel den e área rural. Un konekshon speshal di awa i/òf elektrisidat einan ta un invershon muchu grandi pa WEB.

Kisas tin un tuberia prinsipal òf un ret di elektrisidat ta kore banda di bo parsela. Den e kaso aki bo por hasi un petishon pa konekshon riba e ret. Posibel kostonan èkstra pa un konekshon asina ta pa bo propio kuenta.

Porta ta difísil pa distinguí instaladónan profeshonal di un tiradó di pará. Pa bo siguridat WEB ta hasi uzo di un lista di instaladónan registrá i paipfeter eksperensiá. E lista anualmente ta ser trahá dor di e Direktorado Supervishon i Mantenshon/ Directie Toezicht en Handhaving (DTH) di e Entidat Públiko Boneiru.

Download e Lista di Instaladó Registrá i Paipfeter Eksperensiá (pdf).

WEB Bonaire ta pone hopi énfasis na bon servisio. Lástimamente no ta tur ora kos ta bai manera nos ta deseá. Esei ta hopi fastioso, pa abo i pa nos. Bo tin un keho? Por fabor, entregá esaki! Asina huntu nos por solushoná e problema.

Keho di nos klientenan ta yuda nos mehorá nos servisio. Bo pregunta òf remarke tambe ta bon biní! Bo por entregá bo keho digital via e formulario di keho.

Despues ku nos risibí bo keho, nos ta manda un konfirmashon mesora pa bo via di meil. E periodo pa prosesá un keho ta máksimo 8 siman despues di e fecha di entrega.

For di 2013 WEB tin un konvenio ku e bònt di konsumidó UNKOBON (Union di Konsumidó Boneiru). Huntu nos ta traha na transparensia di prestashon di WEB i balorashon di nos servisio pa kliente.

Pa WEB, kliente ta sentral. Nos ta traha kontinuamente na mehorashon di nos servisio pa kliente. Ku e konvenio ku UNKOBON nos ta suprayá e propósito akí. Di e manera aki huntu nos por garantisá e interes di e konsumidó.

Formulario di petishon pa konekshon

Formulario di Intake

Formulario di petishon pa entregá bèk Instalashon DG

Formulario di mutashon

Formulario di outorisashon

Formulario di petishon pa Pagabon

Formulario di petishon pa deskonekshon

Outorisashon pa kobransa outomatiko